നീ നിന്റെ അയല്ക്കാരന്റെ
വംശവേരു ചികയുക,
അവന് നിന്നില്പെട്ടവനല്ലെന്ന്
അറിഞ്ഞകലുക.
അവന്റെ ചലനങ്ങളെ
വെറുക്കാന് പഠിക്കുക.
അവന്റെ നോട്ടത്തിന്റെ നനവ്
മറക്കാന് പഠിക്കുക
നിന്റെ നിനവിലും, നിലവറയിലും
അവന്റെ ചോര തേടുന്ന
വാളുകള് നിറയ്ക്കുക,
അവ,നിന്റെ നേതാവിന്റെ
നാക്കില് രാകി മൂര്ച്ച കൂട്ടുക,
അവന്റെ പെണ്ണിനെ
കടിച്ചുകീറുക,
നിന്റെ വാള് ,
തുളച്ച ഗര്ഭപാത്രത്തിലെ
മുറിവേറ്റ കുഞ്ഞ്
നിന്നോട് പറഞ്ഞ വചനങ്ങള്
പെട്രോളൊഴിച്ചു കരിക്കുക.
അവന്റെ ഹൃദയം അറുത്തെടുത്തു,
അവന്റെ മാതാവിന്റെ കണ്ണീരില് മുക്കി,
ചവച്ചു തിന്നുക.
അവന്റെ കുടലുണക്കി,
നിന്റെ നേതാവിന്റെ
തിരുവചനം കോര്ത്തു,
കഴുത്തിലണിയുക,
പിന്നെ,
നിന്റെ ദേവാലയത്തില് ചെന്നു,
സാഷ്ടാംഗം കുമ്പിടുക..
നിന്റെ ദൈവത്തിനു
നീ വെട്ടിമാറ്റിയ കൈകള്
നിവേദിക്കുക...
നിന്റെ തമ്പുരാന്
നിന്നെ അനുഗ്രഹിക്കട്ടെ....!
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
5 അഭിപ്രായങ്ങൾ:
നിന്റെ ദേവാലയത്തില് ചെന്നു,
സാഷ്ടാംഗം കുമ്പിടുക..
നിന്റെ ദൈവത്തിനു
നീ വെട്ടിമാറ്റിയ കൈകള്
നിവേദിക്കുക...
നിന്റെ തമ്പുരാന്
നിന്നെ അനുഗ്രഹിക്കട്ടെ....!
ഇത് സ്വന്തം ചിന്തയാണോ?
നോ കമന്റ്സ്....കാരണം പ്രയോജനമില്ല...ദുഷിച്ചിരിക്കുന്നു ചിന്തകള്.മുകളിലെ ചിത്രം തന്നെ സംവദിക്കുന്നുണ്ട് എഴുത്തുകാരന്റെ ‘യഥാര്ത്ത‘ ഉദ്ദേശം
മാറുന്ന മലയാളീ..., , അനൂപേ...., അക്ഷരങ്ങള്ക്കിടയില് വായിക്കൂ ...
മാറുന്ന മലയാളീ, ഇത്ര ഡയറക്റ്റ് ആയി എടുത്താലോ...
Good :)
ഒരു അഭിപ്രായം പോസ്റ്റ് ചെയ്യൂ