ദൈവദോഷം

ഞാനും ദൈവവും
കൂട്ടുകാരായിരുന്നു.
ഒരു നാള്‍,
ദൈവം നാടു നന്നാക്കാന്‍ പോയ
തക്കം നോക്കി ഞാന്‍
ചെകുത്താന്റെ ഭാര്യയെ
തട്ടികൊണ്ട്‌ വന്നു.
അവളുമായി
രണ്ടു നാള്‍ കഴിഞ്ഞപ്പോള്‍,
ഒരു കെട്ട് പുണ്യഹൃദയങ്ങളുമായി
ദൈവം തിരിച്ചുവന്നു.
അവനെന്നോട് കോപിച്ചപ്പോള്‍,
ദൈവത്തെ ഒരു ചവിട്ടു ചവിട്ടി,
അവളുടെ മുറിയിലിട്ട് പൂട്ടി
തഴുതിട്ടു ഞാന്‍ ആളെ കൂട്ടി.
ആളുകള്‍ വന്നു,
ദൈവം വഴിതെറ്റി പോയതില്‍
മൂക്കില്‍ വിരല്‍ വച്ചു,
വന്ന വഴിയേ മടങ്ങി.
പിന്നെ....
പുണ്യ ഹൃദയങ്ങളുടെ കോട്ടയില്‍
മൂത്രമൊഴിച്ചു വച്ചു,
ഞാനും നാടു നന്നാക്കാന്‍ ഇറങ്ങി